“Alya”nın ilk sevgisi o olacaq

Yeni mövsümü maraqla gözlənilən seriallardan olan “Uzak Şehir”in heyətinə yeni aktyor daxil olub.

Bizim.Media xəbər verir ki, bununla bağlı şou yazarı Birsen Altuntaş məlumat yayıb.
 

Bildirilib ki, yeni mövsümdə “Alya”nın ilk sevgisi kimi “Enver” obrazı təqdim ediləcək. Məlumata görə, həmin obrazı aktyor Onur Özaydın canlandıracaq.

Qeyd olunub ki, “Enver” Budapeştdə yaşayan nüfuzlu restoran sahibidir və o, özünəinamlı, xarizmatik bir şəxsiyyət kimi göstəriləcək.

Serialın Budapeştdə keçiriləcək çəkilişlərinin isə 15-20 avqust tarixləri arasında aparılması planlaşdırılır.