Daxili İşlər Nazirliyi Tovuzda baş vermiş qətl hadisəsi barədə məlumat yayıb.
DİN-dən Moderator.az-a verilən məlumata görə, sentyabrın 27-də Tovuz rayonunun Abulbəyli kəndində yaşayan Qafur Qarayev evdə ailə-məişət münaqişəsi zəminində atası İlhamı döyüb.
İlham hadisə yerində ölüb.
Tovuz rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində Q. Qarayev tutulub.
Faktla bağlı araşdırma aparılır.
22:05 (28.09.2015)
Tovuzda qətl hadisəsi baş verib.
Moderator.azxa0apa-ya isitnadən xəbər verir ki, hadisə rayonun Abulbəyli kəndində qeydə alınıb. Kənd sakini, 1988-ci il təvəllüdlü Qafur Qarayev mübahisə zəminində atası, 1966-cı il təvəllüdlü İlham Qarayevin başını bir neçə dəfə divara çırparaq qətlə yetirib.
Faktla bağlı Tovuz rayon Prokurorluğunda cinayət işi açılıb, araşdırma gedir.
