“Azərbaycanda butulka, banka və digər məhsulların istehsalı üçün yeni şüşə zavodunun yaradılması müzakirə olunur”.
Bunu Bakıda keçirilən İkinci Azərbaycan Beynəlxalq İnvestisiya Forumu çərcivəsində Bizim.Media-ya açıqlamasında Almaniyanın "IPS GmbH-Industrial Projects and Sales" şirkətinin idarəedici direktoru Peter Georg Reich bildirib.
O qeyd edib ki, şirkət azərbaycanlı tərəfdaşlarla birlikdə layihə üzərində işləyir. Şirkət direktoru zavodun Azərbaycanın hansı bölgəsində yaradılacağının hələ müəyyən edilmədiyini qeyd edib.
Reich layihə ilə bağlı əlavə məlumat verməyib. O, bildirib ki, tərəflər arasında məxfilik müqavilələri imzalanıb və bu səbəbdən layihənin detalları açıqlanmır.
“Bu layihə mənim burada olmağımın əsas səbəbidir”, - deyə o əlavə edib.
Fəridə, Bizim.Media
