UEFA İnfantinonu devirmək üçün GİZLİ PLANI işə salır

Avropa Futbol Assosiasiyaları İttifaqı (UEFA) Canni Infantinonun Beynəlxalq Futbol Federasiyası (FİFA) prezidenti postundan istefasına nail olmağa çalışır. 

Bizim.Media xəbər verir ki, bu barədə "The Telegraph" məlumat yayıb.

Dərc olunmuş məlumata əsasən, UEFA-nın əlində İnfantinonu nüfuzdan salmaq üçün bir plan var. Həmin layihəni isveçrəli funksioner özü təşkilatda işlədiyi dövrdə hazırlayıb.
 

Bu hadisə FİFA-nın sabiq rəhbəri Cozef Blatterlə bağlı korrupsiya qalmaqalı zamanı baş verib. O vaxt İnfantino UEFA-nı FİFA-dan ayırmaq və alternativ dünya futbol təşkilatı yaratmaq planı işləyib hazırlamışdı. İctimaiyyətə bu layihə heç vaxt təqdim olunmayıb.

İyulun 28-də isə məlumat yayılıb ki, İnfantino turniri idarə etmək üçün ayrıca şirkətin yaradılması və onun təxminən 20-30% səhmlərinin investorlara satılması üzərində işləyir.

Bizim.Media