Bakının Xəzər rayonunda itkin düşən 24 yaşlı qız axtarılır.
Bu barədə Daxili İşlər Nazirliyinin mətbuat xidməti məlumat yayıb.
Xəzər rayonu Binə qəsəbəsində yaşayan Misir Həsənov Xəzər rayon Polis İdarəsinin 3-cü polis şöbəsinə müraciət edərək bildirib ki, 24 dekabr 2022-ci ildə onunla birlikdə yaşayan qızı, 1998-ci il təvəllüdlü qızı Zeynurə evdən çıxıb və bir daha geri qayıtmayaraq itkin düşüb.
“Zeynurə Misir qızının əlamətləri: boyu 1.55 santimetr, gözlərinin və saçlarının rəngi qaradır. Evdən çıxan zaman əynində göy rəngli cins şalvar və boz rəngli köynək olub. Zeynurə Misir qızı haqqında məlumatı olanlardan 055-215-21-20, 051-841-41-41, 055-252-00-71, 012-590-72-03 nömrələrinə zəng edərək məlumat vermələri xahiş olunur” – deyə məlumatda qeyd olunub.
