Cari ilin 16 dekabr tarixində Milli Məclisdə KİV haqqında qanunun 19-cu maddəsinə dəyişikliklə bağlı təklifin müzakirə olunacağı gözlənilir. Məlumata görə, məlum dəyişiklik bir il ərzində iki dəfə məhkəmə məsuliyyətinə cəlb edilən media orqanının qapadılmasını nəzərdə tutur.
Bununla
bağlı Moderator.az-a açıqlama verən Mətbuat Şurasının sədr müavini Müşfiq Ələsgərli
hələlik bu barədə danışmağın erkən olduğunu bildirdi:
“Mən sözügedən məsələ ilə bağlı sələnən fikirləri,
media ictimaiyyətinin düşüncələrini izləyirəm. Burada söhbət KİV haqqındakı
qanunun 19-cu maddəsinə dəyişikliyin getməsindən gedir. Hansı ki, bu məsələnin
cari ilin 16 dekabr tarixində Milli Məclisdə müzakirəsi gözlənilir. Doğrudur,
media təmsilçiləri indidən önləyici açıqlamalar verirlər. Lakin biz millət vəkillərinin
bununla bağlı rəyini bilmirik. Dəyişiklk tələbini irəli sürən tərəf öncə bu dəyişikliyin
hansı zərurətdən irəli gəlməsi ilə bağlı açıqlama verməlidir. Bu açıqlamada öz
təklifini arqumentlərlə əsaslandırmalıdır. Yalnız bundan sonra biz təklif edilən
dəyişikliyin məqbul və ya qeyri-məqbul olması ilə bağlı fikir bildirə bilərik.
Hələlik bu təklifə baxılıb-baxılmayacağı ilə bağlı da rəsmi qurumlar tərəfindən
bir açıqlama yoxdur. Bu səbbədən də məsələyə konkret münasibət bildirmək hələ
tezdir. Hesab edirəm ki, bu təklifi verən və onu qəbul edən tərəflərin rəsmi mövqeləri,
məsələ ilə bağlı lazımi açıqlamaları olmadan baş verənlərə münasibət bildirmək
o qədər də məqbul deyil. Hətta bəzi şəxslər çıxış edərək bildirirlər ki, guya
bu qanun məhz onlara qarşı yönəlib. Guya bununla kimlərisə susdurmaq istəyirlər.
Mən isə fərqli cür düşünürəm. Birincisi, hələ ki, təklifi səsləndiurən tərəf öz
arqumentlərini təqdim etməyib. İkincisi isə, burada ciddi bir dəyişiklikdən
söhbət getmir. Onsuz da bu, KİV haqqında qanunvericilikdə var və bunun bir,
yaxud iki dəfə olması medianın durumuna ciddi təsir göstərəcək hal deyil. Lakin
istənilən halda rəsmi qurumların məsələ ilə bağlı açıqlama və mövqeyini gözləmək
lazımdır”x9d.
Seymur Əliyev
