Avqustun 13-ü Nərimanov Rayon
Məhkəməsində “Xural” qəzetinin baş redaktoru, məhbus Əvəz Zeynallının Mətbuat
Şurasına qarşı iddiası üzrə proses başlayıb.
Moderator.az “Media forum”a istinadən xəbər verir ki, prosesdə
çıxış edən Əvəz Zeynallı Mətbuat Şurasını həbsində rolu olan qurumlardan biri
saydığını deyib. Mətbuat Şurası adından məhkəməyə səlahiyyətli nümayəndə kimi
göndərilən İdarə Heyətinin üzvü Müşfiq Ələsgərli sənədlərlə tanış olmaq üçün
vaxt istəyib. Məhkəmə avqustun 29-da davam edəcək.
Nərimanov Rayon Məhkəməsi
2011-ci ildə “Xural” qəzetinin Mətbuat Şurasına qarşı qaldırdığı iddiaya
baxmaqdan imtina edib. O zaman “Xural” Mətbuat Şurasının onu reket qəzet elan
etməsindən narazı qalaraq məhkəməyə üz tutub. Ali Məhkəmə iddiaya baxılmama
qərarını ləğv edib və iş yenidən Nərimanov məhkəməsinə göndərilib.
