Kanada millisini yox, ABŞ-ı dəstəklədi? – Trüdo tənqid hədəfinə çevrildi - VİDEO

Kanadanın sabiq Baş naziri Castin Trüdo Kanada yığmasının yox, ABŞ millisinin Dünya Kubokundakı oyununu tribunadan izlədiyi üçün tənqid hədəfinə çevrilib.

Bizim.Media xarici mediaya istinadən xəbər verir ki,  o, sevgilisi məşhur amerikalı müğənni  Katy Perry ilə birlikdə ABŞ – Paraqvay qarşılaşmasını izləyərkən görüntülənib.

Cütlük stadionunda xüsusi lojada kameralara tuş gəlib. ABŞ yığmasının 4:1 hesablı qələbəsi ilə başa çatan matçdan yayılan görüntülər sosial şəbəkələrdə geniş müzakirələrə səbəb olub.

Bir çox kanadalı istifadəçi Trüdonun öz ölkəsinin milli komandasının oyununa deyil, ABŞ millisinin qarşılaşmasına qatılmasını tənqid edib.

Qeyd edək ki, Kanada yığması Dünya Kubokundakı ilk matçında Bosniya və Herseqovina ilə 1:1 hesablı heç-heçə edib.


Bizim.Media