Mütəxəssislər çox qızardılmış kababın sağlamlıq üçün yarada biləcəyi təhlükələr barədə xəbərdarlıq ediblər.
Bizim.Media xəbər verir ki, həkimlərin sözlərinə görə, ət yüksək temperaturda və uzun müddət açıq alovda bişirildikdə, tərkibində kanserogen maddələrin yaranma ehtimalı artır.
Bu maddələr onkoloji xəstəliklərin riskini yüksəldə və eyni zamanda orqanizmdə erkən qocalma proseslərini sürətləndirə bilər.
Qeyd olunur ki, ətin üzərində əmələ gələn və qismən yanmış qabıq xüsusilə mədə-bağırsaq sisteminə zərər verə, selikli qişanı qıcıqlandıra bilər.
Bundan əlavə, mütəxəssislər ən riskli qrup kimi həddindən artıq qızardılmış kolbasa və sosisləri göstərirlər. Bu məhsulların tərkibində yüksək miqdarda duz və müxtəlif dad artırıcıları olduğu üçün, termiki emal zamanı daha çox kanserogen maddələr əmələ gələ bilər. (demokrat.az)
Bizim.Media
