ABŞ prezidenti Co Bayden Afrika liderləri ilə görüş zamanı gözlərini bir dəqiqədən çox yumaraq yuxuya gedib.
Bizim.Media xəbər verir ki, bu barədə “The Telegraph” yazıb.
82 yaşlı ABŞ prezidenti Anqola, Zambiya və Konqo Demokratik Respublikasının prezidentlərinin iştirak etdiyi Anqola sammitində yorğun görünüb və asta səslə danışıb.
Tanzaniyanın vitse-prezidenti Filip Mpanqonun çıxışı zamanı Bayden gözlərini yumub və əli ilə üzünü örtərək yuxuya gedib.
Bayden adətən tərcümə üçün istifadə edilən qulaqcıq taxsa da, həmin vaxt paneldəki hər kəs ingilis dilində danışıb.
Hadisə Baydenin 2021-ci ildə vəzifəyə gəldikdən sonra Anqolaya üç günlük səfərinin son günündə baş verib.
Xatırladaq ki, Bayden son bir il ərzində bir sıra beynəlxalq tədbirlərdə yuxuya getməkdə günahlandırılıb, dünya səhnəsində yaşına və boşboğazlığına görə tənqid edilib.
Bizim.Media
