ABŞ lideri Donald Tramp 2020-ci il prezident seçkiləri üçün öz seçki qərargahının rəhbərini təyin edib.Bu barədə “Reuters” aidiyyəti mənbəyə istinadən məlumat yayıb.
Agentliyin məlumatına görə, qərargaha siyasi strateq Bred Parskeyl başçılıq edəcək. O, buna qədər Trampın qərargahında işləyib,seçkilərlə bağlı rəqəmsal əməliyyatlara cavabdeh olub.
Məlumatda Trampın 2020-ci ilin seçki-qabağı kampaniyasınaxa0 Konqres seçkilərinə 8 ay qalmış start verməyə planlaşdırdığı qeyd olunur. Belə ki, həmin seçkilərdə ABŞ qanunverici orqanında Respublikaçıların mütləq üstünlüyə malik olub olmayacağı müəyyənləşəcək.
Bundan əvvəl ABŞ KİV-də Trampın şəxsi pilotunu ABŞ aviasiya idarəsinin rəhbəri təyin etməyi planlaşdırdığı barədə xəbərlər yayılmışdı.(Oxu.Az)
