Vyetnamın ən zəngin qadınına ölüm hökmü VERİLDİ 

Vyetnamda ölkənin ən zəngin qadınlarından biri olan 67 yaşlı Çıonq Mi Lan haqqında ölüm hökmü çıxarılıb. 

Bizim.Media xarici mətbuata istinadən xəbər verir ki, buna səbəb əmlak maqnatının ölkənin ən böyük banklarından birini 11 il ərzində talaması olub.

O, mənimsəmə, rüşvətxorluq və maliyyə cinayətlərinə görə təqsirli bilinib. Belə ki, o, ən azı 42 min insana təsir edən fırıldaqçılıqda ittiham edilib. 

Bildirilib ki, Çıonq "Saigon Commercial Bank"dan qanunsuz olaraq təxminən 12,5 milyard dollar götürüb. Milyarder 27 milyard dollar geri qaytarmalı imiş, lakin o pulu geri ödəməyib.  
Ehtimal olunur ki, məhkəmə ona təzyiq göstərmək və oğurlanmış pulların heç olmasa bir hissəsini geri qaytarmağa məcbur etmək üçün iş qadınına ölüm hökmü çıxarıb.