İlon Mask dünyanın ƏN ZƏNGİNLƏRİ siyahısında GERİLƏDİ - FOTO

"Forbes" jurnalı dünyanın ən varlı adamlarının siyahısını açıqlayıb.

Bizim.Media xəbər verir ki, LVMH (Louis Vuitton Moet Hennessy) şirkətlər qrupunun prezidenti Bernard Arnault dünyanın ən varlı adamları siyahısında ilk pillədə yer alıb.

Belə ki, o, sərvətini 22,3 milyard dollar artıraraq, 206,4 milyard dollarla "SpaceX" və "Tesla" şirkətlərinin qurucusu, milyarder İlon Maskı geridə qoyub.

İlon Mask isə 205,8 milyard dollar vəsaitlə ikinci pillədə yer alıb.
Siyahının üçüncüsü olaraq "Amazon"un yaradıcısı Ceff Bezos 181,3 milyard dollarlıq sərvətlə qərarlaşıb.

Dördüncü pillədə amerikalı iş adamı, proqram təminatı şirkəti Oracle Corporation-ın həmtəsisçisi Lourens Cozef Ellison (142,4 milyard dollar), beşinci sırada isə “Meta” korporasiyasının rəhbəri Mark Zukerberq (139,0 milyard dollar) yer alıb.




Bizim.Media