Afrikada yeni TƏHLÜKƏ: Bu ağcaqanad sürətlə yayılır – FOTO

Malyariya daşıyıcısı olan Anopheles ağcaqanad növü Afrikada sürətlə yayılır və onun mövcud vasitələrlə qarşısını almaq demək olar ki, mümkün deyil.

Bizim.Media xəbər verir ki, mütəxəssislərin məlumatına görə, bu növ ağcaqanad hazırda ağcaqanadlarla mübarizədə istifadə olunan bütün kimyəvi insektisidlərə qarşı genetik davamlılıq qazanıb. Bu səbəbdən mövcud preparatlar ona qarşı demək olar ki, təsirsizdir.
 

Bildirilir ki, Anopheles ağcaqanadı yalnız kənd yerlərində deyil, sıx məskunlaşmış şəhərlərdə də asanlıqla yaşayır və çoxalır. Bundan başqa, bu növ yağış mövsümündən asılı olmayaraq ilboyu çoxalma qabiliyyətinə malikdir.

Mütəxəssislər qeyd edirlər ki, şəhər sakinlərinin əksəriyyətində malyariyaya qarşı təbii immunitet olmadığından, xəstəlik bu əhali qruplarında daha ağır keçə bilər.