Qan təzyiqini normada saxlayır, ürək xəstəlikləri riskini azaldır - ARAŞDIRMA

Alimlərin fikrincə, meyvələrin gündəlik qəbulu ürək xəstəliklərinə tutulma riskini 40%-ə qədər azalda bilər. 

Bizim.Media xəbər verir ki, araşdırmalar göstərib ki, rasionda meyvələrin miqdarı nə qədər çoxdursa, qan təzyiqi ilə bağlı problemlər də bir o qədər az olur. 

Alimlər 7 il ərzində 450 mindən çox könüllünü müşahidə ediblər və əsasən iştirakçıların meyvələri nə qədər tez-tez və hansı miqdarda yedikləri ilə maraqlanıblar.
 

Məlum olub ki, ümumiyyətlə meyvə yeməyənlərlə müqayisədə, hər gün meyvə qəbul edən şəxslərdə ürək xəstəlikləri riski 25–40% daha azdır. Daha çox meyvə istehlak edən könüllülərin qan təzyiqi isə meyvə yeməyənlərə nisbətən xeyli aşağı olub.

Meyvə və tərəvəzlərin faydası əvvəlki tədqiqatlarla da təsdiqlənib. Belə ki, bəzi alimlər sağlamlıq naminə xüsusilə sitrus meyvələrinə üstünlük verilməsini tövsiyə edirlər.

Bizim.Media