İran və Oman Hörmüz boğazında gəmilərin hərəkəti ilə bağlı razılığa gəldi

İran və Oman Hörmüz boğazında gəmiçilik dəhlizi və hərəkətin bölüşdürülməsi sistemi ilə bağlı qarşılıqlı anlaşma əldə ediblər.

Bizim.Media xəbər verir ki, bunu İran parlamentinin sədri Məhəmməd Baqir Qalibaf bəyan edib.

O bildirib ki, Hörmüz boğazının statusu müharibədən əvvəlki vəziyyətinə qayıtmayacaq.

Qalibafın sözlərinə görə, ABŞ İranın boğazın açılması üçün irəli sürdüyü yeddi şərti əhatə edən tələblərinə hələ də rəsmi cavab verməyib.
 

O qeyd edib ki, boğazın açılması və danışıqların bərpası üçün Vaşinqton bütün bu şərtləri yerinə yetirməlidir.

Parlament sədri, həmçinin bildirib ki, ABŞ nümayəndələri Moskvaya səfərləri zamanı Rusiya Prezidenti Vladimir Putindən Vaşinqton və Tehran arasında birbaşa danışıqların təşkilinə kömək etməsini istəyiblər. Qalibaf əlavə edib ki, Tehran müvafiq müraciət alacağı təqdirdə Səudiyyə Ərəbistanı ilə husilər arasında münaqişənin həllinə dəstək göstərməyə hazırdır.

Bizim.Media