Rusiya Avropanın danışıqlardakı statusunu tanımır - Medinskidən mesaj

“Rusiya nümayəndə heyəti Əbu-Dabidə keçirilən danışıqlar zamanı Avropa İttifaqının nümayəndələri ilə əlaqə saxlamayıb”.

Bizim.Media xəbər verir ki, bunu Rusiya Prezidentinin köməkçisi, danışıqlarda Rusiya nümayəndə heyətinin rəhbəri Vladimir Medinski bildirib.

Onun sözlərinə görə, Rusiya tərəfi avropalı nümayəndələrin danışıqlarda hansı statusda iştirak etdiyini anlamır.
 

Medinski danışıqların təsdiqlənmiş üçtərəfli formatda aparıldığını vurğulayıb. O qeyd edib ki, Avropa ölkələri konkret sülh təşəbbüsləri irəli sürməyib, onların fəaliyyəti Ukraynanın maliyyələşdirilməsi və silahlandırılması ilə məhdudlaşır.

Medinski əlavə edib ki, Avropa ölkələrinin nümayəndələri ABŞ elçilərindən sağlam düşüncə, realizm və sülhə nail olmaq istəyini öyrənməlidirlər.

Bizim.Media