Bir müddət öncə "Azəriqaz"dakı işindən çıxarılan Qarabağ əlili Əhməd Rəhmanov məhkəməni udsa da işə bərpa oluna bilmir.
Bu barədə Moderator.az-a Qarabağ əlilinin özü məlumat verib. Əhməd Rəhmanovun sözlərinə görə, o, ixtisara salındıqdan sonra Xətai Rayon Məhkəməsinə hüquqlarının bərpası üçün müraciət edib. Xətai Rayon Məhkəməsi onun işə bərpa olunması haqqında qərar çıxarıb. Ancaq "Azəriqaz" Əhməd Rəhmanovu işə bərpa etməyərək Apellyasiya şikayəti verib. İşə bu günlərdə yenidən baxılacaq. Qarabağ əlili hüquqlarının bərpası üçün Həmkarlar İttifaqı Konfederasiyasına da müraciət edib. Ancaq ittifaqdan ona deyiblər ki, bizim "Azəriqaz"a gücümüz catmır...
