Baş Prokurorluğun açıqladığı məlumata əsasən həbs olunmuş Rüfət Hacıyev 2017-2022-ci illərdə hazırda ləğv olunan Quba Rayon Təhsil Şöbəsinin müdiri, 2022-2023-cü illərdə isə Quba-Xaçmaz Regional Təhsil İdarəsinin müdiri vəzifəsində çalışıb.
Bizim.Media xəbər verir ki, o təhsil sahəsində ilk fəaliyyətinə məktəbdə müəllim və daha sonra direktor olaraq başlayıb.
MÖVZU İLƏ BAĞLI:
SON DƏQİQƏ: Rüfət Hacıyev həbs olundu - ÖZƏL
Açıqlamada qeyd edildiyi kimi, Rüfət Hacıyev əsasən Quba Rayon Təhsil Şöbəsinin müdiri olaraq çalışdığı dövrdə işində yol verdiyi nöqsanlara görə həbs olunub.
Məlum olduğu kimi, rayon təhsil şöbələri ləğv edilməzdən əvvəl təhsil sahəsində idarəetmə səmərəli mövcud deyildi. Təhsilin yerlərdə idarə olunması müxtəlif qurum və təşkilatlar tərəfindən həyata keçirilirdi. Maliyyələşmə isə başqa bir qurum tərəfindən aparılırdı.
Rüfət Hacıyevin Quba-Xaçmaz Regional Təhsil İdarəsinin müdiri olaraq fəaliyyəti zamanı isə qeydə alınan neqativ hallar Elm və Təhsil Nazirliyi tərəfindən dərhal nəzarətə götürülmüş, qanunvericilikdə nəzərdə tutulmuş qaydada zəruri tədbirlər görülmüş və araşdırmaların nəticəsi olaraq 2023-cü ilin noyabr ayında vəzifəsindən azad edilib.
Bizim.Media
