Türkiyə baş naziri Əhməd Davudoğlu ukraynalı həmkarı Arseni Yatsenyukla birgə mətbuata açıqlamalar verib.
Moderator.az Türkiyə KİV-ə istinadən xəbər verir ki, Davudoğlu Rusiyanın Suriyanı bombalamasına qarşı beynəlxalq ictimaiyyəti mövqe ortaya qoymağa çağırıb:
“Sovetlər Birliyi dövrü bitib. Bu dövrü təkrar canlandırmağa çalışmaq Rusiya üçün müsbət, xeyirli nəticələr verməyəcək.
Rusiya Xəzərdə atdığı ballistik raketlə Azezdə məktəb və xəstəxanaları vurub.
Bu gün əslində üç ölkə ərazi bütövlüyü məsələsində Rusiyanın təhdidi altındadır. Gürcüstan, Ukrayna və Suriya. Ermənistanı dəstəklədiyi üçün Azərbaycanın ərazi bütövlüyü də faktiki olaraq Rusiyanın təhdidi altındadır”x9d.
Davudoğlu, həmçinin Suriyaya 100 türk əsgərinin göndərilməsi xəbərini də təkzib edib.
