"Yuxarılar"ın jurnalistlərə olan zorakı münasibəti sadə adamları da buna həvəsləndirir"

"Yuxarıların" jurnalistlərə olan zorakı münasibəti sadə adamları da buna həvəsləndirir". 

Bunu Moderator.a - a açıqlamasında "Turan" İnformasiya Agentliyinin rəhbəri Mehman Əliyev bildirib. 

M.Əliyevin qənaətincə, hakimiyyətin mediaya olan münasibəti sadə adamları da jurnalistlərlə kobud davranmağa həvəsləndirir:

"Hakimiyyətin jurnalistlərə, azad mediaya münasibəti hər kəsə bəllidir. Cəmiyyətdə hər kəs bunu bilir. Məhz hakimiyyətin jurnalistlərə olan arzuedilməz münasibəti hər kəsə bəlli olduğu üçün bu, sadə vətəndaşlara da sirayət edir. Onlarda belə bir qənaət formalaşır ki, jurnalistlə necə istəsən rəftar edə bilərsən. 

Bu baxımdan hesab edirəm ki, bu gün cəmiyyətdə media əməkdaşlarına olan xoşagəlməz münasibətin səbəbini, onlara olan basqının sirrini "böyük siyasət"də axtarmaq lazımdır. Məhz bu siyasət bu gün media əməkdaşlarına qarşı belə bir münasibətin formalaşmasına gətirib çıxarıb".