Ermənistanın hakim “Mülki müqavilə” partiyasının deputatı Taron Çaxoyan ölkənin mövcud Konstitusiyasının Ermənistanı münaqişəyə cəlb etməyə imkan verdiyini bildirib.
Bizim.Media xəbər verir ki, o, avqustun 12-də Milli Assambleyanın iclasında parlamentin Dövlət-hüquq məsələləri üzrə daimi komissiyasının sədrinin seçilməsi məsələsinin müzakirəsi zamanı bu barədə danışıb.
Deputatın fikrincə, hazırkı Konstitusiya Ermənistanın münaqişəyə cəlb olunmasına və ölkənin dövlətçiliyinin təhlükə altına düşməsinə imkan yaradır.
O xatırladıb ki, Ermənistanın Baş naziri Nikol Paşinyan yeni Konstitusiya haqqında hələ 2020-ci ilin iyulunda, yəni 44 günlük müharibədən əvvəl danışıb.
“Konstitusiya dəyişikliklərinə qarşı müxalifətin mübarizəsi birbaşa geosiyasi mərkəzdən verilən göstərişdir və hazırkı Konstitusiya həmin mərkəzin maraqlarına cavab verir”, – deyə Çaxoyan bildirib.
Deputat sözügedən geosiyasi mərkəzin konkret olaraq hansının olduğunu açıqlamayıb.
Bizim.Media
