Şəhərdən kəndə köçüb, təsərrüfat YARATDI – Məhsulun kiloqramını 100 manatdan baha satır – FOTO

İstanbuldakı qida topdansatışı biznesini sataraq 8 il əvvəl Bayburt vilayətinin Yeddigözəllər kəndinə köçən Fəryal Haşlak, hobbi olaraq tərxun yetişdirməyə başlayıb.

Bizim.Media Türkiyə KİV-ə istinadla xəbər verir ki, sonradan işi böyüdən qadın sahibkar indi məhsulu başqa ölkələrə də ixrac edir.

Pərakəndə satışda kiloqramının qiyməti 2 min lirəyə (təxminən 100 manatdan çox) çatan bu bitki ilə o, Bayburtu tərxun istehsalının mərkəzinə çevirməyi hədəfləyir.

Tərxunun yüksək gəlirli bitki olduğunu vurğulayan Haşlak, ildə 3 dəfə məhsul yığdıqlarını və bir dönümdən orta hesabla 150-200 kiloqram quru tərxun əldə etdiklərini qeyd edib.

O, kənd gənclərinə və qadınlarına müraciət edərək, başqasının yanında işləmək əvəzinə öz torpaqlarında istehsalla məşğul olmağı və bu mirası yaşatmağı tövsiyə edib.




Bizim.Media