AYİB Azərbaycan üzrə investisiya portfelini artırdı

Avropa Yenidənqurma və İnkişaf Bankının (AYİB) Azərbaycandakı aktiv portfelinin həcmi 844 mln.avro (ödənilməmiş öhdəliklər daxil olmaqla) təşkil edib. Bu rəqəm bank tərəfindən təqdim edilən son göstərici (iyul) ilə müqayisədə 1,3% və ya 11 mln. avro artıb.

Bizim.Media xəbər verir ki, bu barədə qurumun məlumatında bildirilir.

Qeyd olunub ki, portfelin 89%-ni (748 mln. avro) dayanıqlı infrastruktura yatırımlar, 8%-ni (65 mln. avro) sənaye, ticarət və aqrobiznes investisiyaları, 3%-ni (31 mln. avro) isə maliyyə institutlarına yatırımlar təşkil edir. Bankın ölkədəki əməliyyat aktivlərinin həcmi isə 2,7% artaraq 780 mln.avro təşkil edib.

Beləliklə, AYİB bu günədək Azərbaycana 181 layihə çərçivəsində 3,655 mlrd. avro həcmində investisiya yatırıb və sözügedən həcmin 86,8 %-i (3,175 mlrd. avro) borc götürənlər tərəfindən artıq mənimsənilib. Ümumi investisiyaların 11%-i özəl sektorun payına düşüb.

Bizim.Media