Ən çox iş yeri dəyişən peşə sahibləri bəlli oldu – SİYAHI

Rieltorlar, brend-menecerlər və interfeys dizaynerləri (UI/UX) öz iş yerlərini başqalarından daha tez-tez dəyişirlər.

Bizim.Media xəbər verir ki, bu barədə "SuperJob" şirkətinin araşdırmasında qeyd olunub.
 

Analitiklərin qeyd etdiyinə görə, ən "sabit dayanmayan" peşə sahibləri rieltorlardır — onlar iş yerlərini orta hesabla hər 1,6 ildən bir dəyişirlər. Siyahıda növbəti yerləri brend-menecerlər (1,9 il) və UI/UX dizaynerlər (2,3 il) tutur.

Rusiyadakı şirkətlərdə nəzərəçarpan kadr axını biznes-analitiklər və inkişaf üzrə menecerlər arasında da müşahidə olunur. Onlar bir iş yerində orta hesabla 2,6 ildən çox qalmırlar.

Ən sabit kadrlar kimlərdir?

Ən sabit işçilər isə tibb bacıları, auditorlar və ixtisaslı fəhlələr hesab olunurlar. Məsələn, tibb bacısının bir işəgötürənin yanında orta iş müddəti 8 ilə çatıb. Auditorlarda bu göstərici 6,7 il, ixtisaslı fəhlələrdə isə 6,6 ildir.

İş yerini nadir hallarda dəyişən TOP-5 peşə arasında dördüncü və beşinci yerləri müəllimlər (orta hesabla 6,1 il) və xarici iqtisadi fəaliyyət üzrə menecerlər (6 il) bölüşürlər.

Bizim.Media