“Samsung” 5 dollar qənaət etmək üçün Çin displeylərindən istifadə edəcək

“Samsung” şirkəti baza modeli olan “Galaxy S27”nin bəzi versiyalarında Çinin BOE şirkətinin istehsalı olan OLED displeylərdən istifadə etmək imkanını nəzərdən keçirir.

Bizim.Media xəbər verir ki, bu barədə "GizmoChina" nəşri tədarük zəncirindəki məlumatlara istinadən xəbər verir.

Mənbələrin verdiyi məlumata görə, bu mümkün qərarın səbəbi istehsal xərclərinin azaldılmasıdır. İddia olunur ki, BOE panelləri “Samsung Display”in analoqlarından təxminən 5 dollar daha ucuz başa gəlir. Milyonlarla cihazın istehsalı zamanı bu fərq şirkət üçün nəzərəçarpacaq dərəcədə qənaət təmin edə bilər.
 

Bununla belə, “Samsung Display”in ekranların əsas tədarükçüsü statusunu qoruyub saxlayacağı, BOE-nin isə əlavə tərəfdaş kimi çıxış edəcəyi gözlənilir. “Samsung” artıq bəzi orta seqment smartfonlarında digər istehsalçıların, o cümlədən TCL CSOT-un displeylərindən istifadə edir, lakin BOE-nin flaqman “Galaxy S” xəttində görünməsi daha diqqətçəkən bir dəyişiklik ola bilər.

Həmçinin bildirilir ki, “Galaxy S27”nin baza versiyası daha köhnə OLED materiallar dəsti ilə təchiz oluna bilər. Ehtimal olunur ki, bu da istehsal xərclərini azaltmaq istəyi ilə bağlıdır.

Qeyd edilib ki, komponentlərin, o cümlədən DRAM yaddaşının qiymətinin artması smartfon istehsalçılarına təzyiqi gücləndirir və onları xərcləri optimallaşdırmaq yollarını axtarmağa məcbur edir.

“Galaxy S27” seriyasının 2027-ci ilin əvvəlində təqdim ediləcəyi gözlənilir.
 

Bizim.Media