Tramp oğlunun toyunda iştirak edə bilməyəcək

Bu həftə Baham adalarında ABŞ prezidentinin böyük oğlunun toy mərasimi keçiriləcək.

Bizim.Media bu barədə xarici mediaya istinadla xəbər verir.

47 yaşlı Tramp model Bettina Anderson ilə evlənir. Mənbələrin məlumatına görə, mərasim mətbuata qapalı keçiriləcək. Tədbirə yalnız yaxın dostlar və qohumlar, ümumilikdə 50-dən az qonaq dəvət olunub.
 

ABŞ prezidenti Donald Trampın toya qatılmayacağı ehtimal olunur. O, daha əvvəl mərasimə gəlməyə çalışacağını bildirsə də, İran ətrafındakı vəziyyət də daxil olmaqla beynəlxalq gündəmin fonunda hazırda bunun üçün “ən münasib vaxt olmadığını” qeyd edib.

Oğul Tramp Bettina Andersonla 2025-ci ilin dekabr ayında nişanlanıb. Ağ Ev rəhbərinin 47 yaşlı oğlu ilə 38 yaşlı model 2024-cü ildən münasibətdədirlər.

Bundan əvvəl isə Tramp Vanessa Haydon ilə evli idi. Onlar 12 il birlikdə yaşayıb və 2018-ci ildə boşanıblar. Cütlüyün beş övladı var.

Bizim.Media