Bakıda məktəbdəki yanğında 3 nəfər tüstüdən ZƏHƏRLƏNİB 

Respublika Təcili və Təxirəsalınmaz Tibbi Yardım Mərkəzinə saat 10:52 radələrində Yasamal rayonu, 153 saylı məktəbin kitabxanasında yanğın baş verməsi səbəbilə çağırış daxil olub. 

Bu barədə Bizim.Media-ya TƏBİB-dən bildirilib. 
 

MÖVZU İLƏ BAĞLI:

Bakının orta məktəbində yanğın oldu  - VİDEO

Hadisə yerinə 3 təcili tibbi yardım briqadası cəlb olunub. 

1 nəfər stressə qarşı kəskin reaksiya (qadın cinsli), digər 3 şəxs isə (kişi cinsli) tüstüdən zəhərlənmə diaqnozu ilə Kliniki Tibbi Mərkəzə hospitalizasiya olunub. 

1 nəfərə isə (qadın cinsli) yerində yardım olunub. 

Qeyd edək ki, paytaxtın 153 nömrəli tam orta məktəbində yanğın hadisəsi baş verib. Yanğın nəticəsində məktəbin 1-ci mərtəbəsində yerləşən kitabxanada elektrik kabeli, kitab rəfi və kitablar qismən yanıb.

Bizim.Media