Qəbələ ardıcıl üçüncü oyunda uduzdu - VİDEO

Misli Premyer Liqasında 3-cü turun oyunları keçirilir.  

Bizim.Media xəbər verir ki, bu gün daha iki qarşılaşma baş tutacaq.  

Əvvəlcə “Qəbələ” doğma meydanda “Sumqayıt”la münasibətlərinə aydınlıq gətirib. Üç qolun qeydə alındığı oyun qonaqların qələbəsiylə yekunlaşıb. Günün digər oyunu “Səbail”lə “Zirə” arasında baş tutacaq.  

Qeyd edək ki, turun açılış matçında “Turan Tovuz” səfərdə “Kəpəz”ə 2:0 hesabı ilə qalib gəlib. Turun “Qarabağ” – “Araz-Naxçıvan” və “Sabah” – “Neftçi” matçları avqustun 20-də olacaq.  

Misli Premyer Liqası 3-cü tur  

19 avqust “Qəbələ” – “Sumqayıt” 1:2  

Qollar: Osama Xalayla, 53 – İsa Suliman, 3. Kamran Əliyev, 31.  

Hakimlər: Kamranbəy Rəhimov, Kamran Bayramov, Rəhman İmami, Kamran Əliyev.  

Qəbələ şəhər stadionu, 18:00.