Estoniya parlamentinin sədrindən Azərbaycana səfəri ilə bağlı paylaşım - VİDEO 

“Azərbaycana, Bakıya üç günlük səfərimiz bu gün səhər başa çatacaq və biz evə yola düşürük. İkitərəfli münasibətlərin saxlanılması çox vacibdir və səfər zamanı çoxlu mühüm görüşlər oldu: Azərbaycan prezidenti, parlamentin sədri, baş nazir və bir neçə nazirlə”.

Bizim.Media xəbər verir ki, bu fikirləri Estoniya Parlamentinin sədri Yuri Ratas "Facebook" səhifəsində səsləndirib

Onun sözlərinə görə, Azərbaycan Avropa İttifaqı üçün də önəmlidir, çünki qaz və neft qıtlığını nəzərə alsaq, qarşıdan gələn istilik mövsümündən əvvəl Avropa İttifaqına əməkdaşlıq təklif edə bilən Azərbaycandır”.

Yuri Ratas vurğulayıb ki, Azərbaycanda keçirilən bütün görüşlər Ukrayna və Ukraynanın suveren ərazi bütövlüyünə dəstək məqsədilə baş tutub.

“Qəbula görə Azərbaycandakı dostlarımıza çox minnətdaram və həqiqətən ümid edirəm ki, ikitərəfli əlaqələrimiz möhkəmlənəcək”, deyə o yekunlaşdırıb.

Bizim.Media