Tailandın paytaxtı Banqkokda yerləşən əyləncə məkanlarından birində baş verən güclü yanğın faciə ilə nəticələnib.
Bizim.Media xəbər verir ki, hadisə nəticəsində ölənlərin sayı 27 nəfərə çatıb.
Ölüm hallarından əlavə, onlarla insan müxtəlif dərəcəli bədən xəsarətləri alıb. Yaralılar təcili şəkildə şəhərin yaxınlıqdakı xəstəxanalarına yerləşdirilib.
Fövqəladə hallar xidmətləri hazırda hadisə yerində axtarış-xilasetmə tədbirlərini davam etdirir. Binanın dağılmış konstruksiyaları altında qalanların ola biləcəyi ehtimal edilir.
İlkin ehtimallara görə, yanğına qısaqapanma səbəb olub, lakin rəsmi istintaq qrupu hadisənin dəqiq səbəblərini müəyyənləşdirmək üçün araşdırmalara başlayıb.
Yerli hakimiyyət orqanları ictimai iaşə obyektlərində yanğın təhlükəsizliyi qaydalarının icrasına nəzarəti gücləndirməyi planlaşdırır.
Bizim.Media
