Aparıcı Vüsalə Əlizadə özünə təmtəraqlı doğum günü keçirib.
Bizim.Media xəbər verir ki, dənizkənarı məkanların birində baş tutan gecədə 38 yaşına qədəm qoyan televiziya ulduzunun yaxınları və dostları iştirak edib.
Gecədə qonaqlar Vüsaləni çoxsaylı gül çələnglərinə və bahalı hədiyyələrə qərq ediblər. Əlizadə özəl günü ilə bağlı sosial şəbəkə hesabında bu sözləri yazıb:
“Mənim günüm bitdi deyə bir şey yoxdur,Allahın bizə nəsib etdiyi hər gün, hər nəfəs əvəzsiz hədiyyədir, hər gün bizimdir. Bu hədiyyənin dəyərini bilək, şükürlər olsun, Allahım. Yeni günüm, yeni ilim, yeni yaşım – xoş gəldin!
Bu video ilə həyatımda var olan, gedən, qalan, mənə yaşamağa stimul verən, gücümə güc qatan, ailəm, doğmalarım, əzizlərim, dostlarım, siz tamaşaçılarıma təşəkkür etmək istədim. Nə yaxşı ki, olmusunuz, nə yaxşı ki, varsınız… Sevgilərlə, Sizin Vüsalə Əlizadə”.
Rəşad Əliyev, Bizim.Media
