Son günlər istehlakçıları narahat edən məsələlərdən biri bazarlarda süni yumurtanın mövcudluğu ilə bağlıdır. Bu barədə ölkə mediasında müxtəlif iddialar səslənsə də, hələ ki, bununla bağlı konkret bir şikayətçi yoxdur.
Maraqlıdır, Azad İstehlakçılar Birliyinə belə bir problemlə müraciət edən olubmu? Sözügedən qurum məlum iddialar haqqında hansı fikirdədir?
Moderator.az-a açıqlama verən Azad İstehlakçılar Birliyinin rəhbəri Eyyub Hüseynov onlara bununla bağlı konkret bir şikayətin ünvanlanmadığını bildirdi:
“Bu günə qədər bizə bununla bağlı 1-2 telefon zəngi gəlib. Lakin heç bir vətəndaş əlində saxta yumurta ilə bizə müraciət etməyib. Nəzərinizə çatdırıram ki, dünyada süni yumurta hazırlanması texnologiyası mövcud olsa da, Azərbaycan bazarında saxta yumurta yoxdur. Kim mənə bir ədəd də olsun saxta yumurta və bunu hansısa dükandan aldığını təsdiqləyən çek təqdim etsə, ona 100 manat məbləğində pul verəcəm”x9d.
xa0
Seymur Əliyev
