Təxminən bir həftə bundan öncə ABŞ-ın Virciniya ştatının Moneta şəhərində 24 yaşlı müxbir Alison Parker və 27 yaşlı operator Adam Vard "TB WDBJ" televiziyasının əməkdaşları keçmiş həmkarları Brays Uilyams tərəfindən güllələnib. Qətlin müəllifi törətdiyui əməllə bağlı verdiyi açıqlamada həmkarlarını qeyri-peşəkar olduqları üçün öldürdüyünü bildirib.
Maraqlıdır, əgər kimsə Azərbaycanda
da medianı qeyri-peşəkarlardan silah gücünə təmizləmək həvəsinə düşsə, o zaman
jurnalistlərimizin neçə faizi öz həyatları ilə vidalaşmalı olar?
Məsələ ilə bağlı
Moderator.az-ın sualını cavablandıran tanınmış televiziya mütəxəssisi,
professor Qulu Məhərrəmli bu halda Azərbaycanın tamamilə jurnalistisiz qala biləcəyini
vurğulayıb:
“Əvvəlla onu deyim ki,
bizim mətbuat bu faktı çox şişirtdi. Bunu Amerikada jurnalistlərin öldürülməsi,
jurnalist fəaliyyəti üçün şəraitin yoxluğu konteksində dəyərləndirmək doğru
deyil. Allah eləməsin ki, Azərbaycanda kimsə bu fikrə düşsün və qeyri-peşəkarları
öldürmək təşəbbüsü ilə çıxış etsin. Kimsə bu fikrə düşsə, qeyri-peşəkarları
öldürmək şəraiti olsa, qorxuram ki, Azərbaycan indiki halda jurnalist qalmasın.
Təəssüflər olsun ki, həmkarlarımızın
böyük bir hissəsi qeyri-peşəkardır. Onların yazdığı xəbərləri, aldıqları
müsahibələri oxuyanda adam qeyri-peşəkarlığın hansı həddə gəlib çıxdığına heyrət
edir”x9d.
Seymur Əliyev
