Kiyevdə həyəcan siqnalı: Lyayen sığınacağda gizləndi

Avropa Komissiyasının sədri Ursula fon der Lyayen Kiyevə səfəri zamanı həyəcan siqnalı səbəbindən jurnalistlərlə söhbətini yarımçıq qoyaraq sığınacağa getmək məcburiyyətində qalıb.

Bizim.Media xəbər verir ki, bu barədə "Euractiv" məlumat yayıb.

"Dəbdəbəli 'InterContinental' otelində siren səsi Ursula fon der Lyayeni və onu müşayiət edən jurnalistləri tam günün hadisələri haqqında bizə danışdığı bir vaxtda yeraltı sığınacağa getməyə məcbur etdi", deyə nəşr bildirib.

Daha əvvəl Kiyevə növbəti səfərini həyata keçirən Fon der Lyayen Avropa İttifaqı (Aİ) və Ukraynanın müdafiə sənayelərinin inteqrasiyası üzrə yeni təşəbbüslərin hazırlandığını bəyan edib. O, həmçinin Aİ və Ukraynanın dronlar sahəsində müdafiə-sənaye tərəfdaşlığına dair yeni müqavilə imzaladıqlarını açıqlayıb.

Bizim.Media