"Microsoft" şirkətinin təsisçisi Bill Qeyts ABŞ Konqresinin Nümayəndələr Palatasının Nəzarət Komitəsinin üzvlərinə bəyan edib ki, maliyyəçi Ceffri Epşteynin cinayət fəaliyyətindən xəbəri olmayıb və onunla yaxın əlaqələr saxlamayıb.
Bizim.Media xəbər verir ki, bu barədə CNN telekanalı məlumat yayıb.
Bill Qeyts Epşteynin hər hansı bir cinayətkar fəaliyyətinə şahid olmadığını və bu barədə heç bir məlumata sahib olmadığını vurğulayıb. O, həmçinin Epşteynə məxsus adada, rançoda və ya onun Floridadakı evində heç vaxt olmadığını bildirib.
Qeyts Epşteynlə ünsiyyətinin məhdud və qeyri-müntəzəm xarakter daşıdığını, bu əlaqələrin hələ 2014-cü ildə tamamilə kəsildiyini qeyd edib. Onların tanışlığı 2011-ci ildə baş tutub və ilkin olaraq qlobal səhiyyə sahəsindəki layihələrin müzakirəsi ilə bağlı olub.
"Microsoft" rəhbəri sonradan Epşteynlə təmasda olmağın bir səhv olduğunu anladığını etiraf edib. O, ədalətin bərqərar olması üçün bu iş üzrə bütün materialların dərc olunmasını dəstəklədiyini də əlavə edib.
Bizim.Media
