Rusiyanı Avropa məkanından kənarlaşdırmaq qeyri-mümkündür.
Bizim.Media xəbər verir ki, bu barədə Rusiya Federasiya Şurasının sədri Valentina Matviyenko Sankt-Peterburq Beynəlxalq İqtisadi Forumu (SPIEF) çərçivəsində TASS agentliyinə verdiyi müsahibəsində bəyan edib.
"Rusiya Avropanın bir hissəsi olub və belə də qalacaq. Rusiyanı "bağlamaq", onu xəritədən silmək qeyri-mümkündür. Biz qonşuyuq və normallığa, normal mehriban qonşuluq münasibətlərinə qayıtmalıyıq", — deyə Matviyenko Avropa dövlətləri ilə gələcək qarşılıqlı əlaqələri şərh edərkən bildirib.
Spiker qeyd edib ki, gələcək əməkdaşlıq üçün perspektivli istiqamətlərin diapazonu olduqca genişdir.
Federasiya Şurasının sədri xatırladıb ki, əvvəllər Rusiya bazarında bir çox Almaniya müəssisəsi uğurla fəaliyyət göstərirdi, lakin onlar siyasi qərarlara tabe olaraq fəaliyyətlərini dayandırmaq məcburiyyətində qalıblar.
Matviyenkonun sözlərinə görə, anti-Rusiya əhval-ruhiyyəsinin kəskinləşdiyi dövrə qədər Moskva və Berlin məhsuldar tərəfdaşlıq münasibətləri saxlayırdı:
"Bu əməkdaşlıq təkcə enerji sektorunu deyil, həm də innovativ texnologiyalar sahəsində dərin kooperasiyanı, eləcə də intensiv mədəni və humanitar mübadilələri əhatə edirdi".
Bizim.Media
