Çaddan TƏLƏB: “Fransa qoşunları bu tarixədək ölkəni tərk etməlidir”

Çad hakimiyyəti Fransa qoşunlarının 2025-ci ilin 31 yanvar tarixinə qədər ərazisindən çıxarılmasını tələb edir.

Bizim.Media xəbər verir ki, bu barədə RFI radiosu məlumat yayıb.

Fransa hökumətinə yaxın mənbələr bildiriblər ki, sözügedən tələb rəsmi Parisa dünən axşam saatlarında ünvanlanıb.

Bununla da Fransanın mart ayına qədər qoşunlarını çıxarmaq üçün müəyyənləşdirdiyi qrafik rədd edilib. 

Fransalı mənbə qeyd edib ki, yeddi həftəyə min əsgər və bir çox texnikanı çıxarmaq mümkün deyil.

Çaddakı mənbə isə bildirib ki, rəsmi Ncamena (Çadın paytaxtı – red.) üçün ideal vəziyyət fevralın sonu və müqəddəs Ramazan ayının əvvəlinə qədər fransızların ölkəni tərk etməsidir.

Qeyd edək ki, bu il noyabrın sonunda Çad Respublikasının xarici işlər naziri Abderamane Koulamalla iki ölkə arasında hərbi əməkdaşlıq sazişinin ləğvindən sonra Fransanın Çaddan hərbi kontingentini çıxarmalı olduğunu bildirib.

Bizim.Media