Polşalı fermerlər martın 20-də bütün Polşa ərazisində genişmiqyaslı etiraz aksiyası keçirəcəklərini elan ediblər.
Bizim.Media xəbər verir ki, elana əsasən həmin tarixdə saat 7:00-dan 19:00-a qədər bütün Polşa ərazisində həyat dayanacaq.
MÖVZU İLƏ BAĞLI:
Polşada fermerlər Ukrayna taxılına qarşı mübarizədə YENİ ÜSUL seçdilər
“Uşaqlar məktəbə getməyəcək, insanlar işə getməyəcək. Başqa seçimimiz yoxdur. Təsərrüfatlarımız iflas ərəfəsindədir, biz hər şeyi etməliyik ki, hökumət bizi ciddi qəbul etməyə başlasın. Biz davam etməliyik. Yaranan narahatlığa görə üzr istəyirik”, - deyə fermer bildirib.
Qeyd edilib ki, fermerlər üç əsas tələb irəli sürürlər:
Yaşıl Sövdələşmənin zərərli müddəalarından çıxmaq;
Avropa İttifaqı (Aİ) hüdudlarından kənardan kənd-ərzaq məhsullarının gəlməsinə qarşı sərhədin bağlanması;
Polşada heyvandarlığın mühafizəsi.
Bizim.Media