“Yeni Nəsil”x9d Jurnalistlər Birliyinin sədri, media eksperti Arif Əliyev Moderator.az-a açıqlamasında Azərbaycan mediasının əsas problemlərindən biri olan xəbər oğurluğu problemi və onun həlli yollarını şərh edib:
“Xəbər oğurluğu əslində
çoxdanın problemidir. Bu oğurluğun 10 ildən çox yaşı var. Bu, jurnalistikanın
olduqca aşağı səviyyədə olduğunu, kabinet jurnalistikasının mövcud olduğunu
göstərir. Bu gün hər redaksiya faktiki olaraq kabinetdə oturan 5-6 nəfərdən
ibarətdir və onlar bir-birlərindən xəbər oğurlamaqla məşğuldurlar. Bu problem
mövcud Azərbaycan jurnalistikasının mahiyyətindən irəli gəlir. Mahiyyət dəyişməlidir.
Bazar rəqabəti olmalıdır. Hansı ki, bu gün belə bir rəqabət yoxdur. KİV-in
böyük əksəriyyəti bazardan asılı deyil. Istər televiziyalar, istərsə də qəzet və
saytlar olsun, onlar bazardan yox, cibdən asılıdırlar. Onlar kimlərinsə ödədiyi
maliyyədən asılıdırlar. Buna görə də inkişaf üçün sitimul yoxdur. Sitimul
olmalıdır ki, jurnalistika inkişaf etsin, gəzsin, ayaq açıb yerisin. “Xəbəri
ayaqlar gətirir”x9d kimi məşhur bir ifadə var. Xəbər oğurluğu problemi
jurnalistikanın hazırkı durumundan irəli gələn törəmə problemdir”x9d.
Seymur Əliyev
