Şəmkirdə piyadanı xəstəxanalıq edib qaçan sürücü saxlanıldı

Şəmkirdə piyadanı vurub hadisə yerindən qaçan sürücü müəyyən edilərək saxlanılıb. 

Bizim.Media-nın yerli bürosuna bu barədə DİN-in mətbuat xidmətinin Gəncə regional qrupunun baş inspektoru Eşqin Qasımov bildirib. 

Belə ki, Şəmkir RPŞ-ə aprelin 15-də saat 23 radələrində Çinarlı qəsəbəsi ərazisində yolu keçən qəsəbə sakini M. Eyyubovun avtomobillə vurulması və bunun nəticəsində aldığı xəsarətlə xəstəxanaya yerləşdirilməsi barədə məlumat daxil olub.  

Polis əməkdaşlarının keçirdikləri əməliyyat-axtarış tədbirləri nəticəsində yol-nəqliyyat hadisəsinin “VAZ-2107” markalı avtomobillə törədilməsi müəyyən edilib və həmin nəqliyyat vasitəsini idarə edən rayon sakini Nazim Novruzov saxlanılıb. 
Faktla bağlı Şəmkir Rayon Polis Şöbəsində araşdırma aparılır. 

Məqsəd Rəhimov, Bizim.Media