Aprelin 27-də Dövlət Gömrük Komitəsinin sədri, gömrük xidməti general-leytenantı Şahin Bağırov Ümumdünya Ticarət Təşkilatında (ÜTT) Azərbaycan üzrə işçi qrupun sədri, Türkiyənin ÜTT yanındakı daimi nümayəndəsi Alpaslan Acarsoyun rəhbərlik etdiyi nümayəndə heyəti ilə görüşüb.
DGK-dan Moderator.az-a bildirilib ki, görüşdə son dövrlərdə gömrük sistemində aparılan islahatlar, tətbiq edilən yeniliklər barədə məlumat verilib.
Görüş zamanı prosedurların optimallaşdırılması, şəffaflıq, rəqəmsallaşma, maliyyə dayanıqlılığı, etibarlı hüquq-mühafizə tədbirlərinin həyata keçirilməsi, gömrük dəyərinin formalaşdırılması, risk platformasının tətbiqi istiqamətində atılan addımlardan bəhs olunub, təqdimat nümayiş etdirilib.
