Yemək zamanı daha çox su içmək iştahanı azaltmır, əksinə, insanın daha çox qida qəbul etməsinə səbəb ola bilər.
Bizim.Media xəbər verir ki, tədqiqatın nəticələrinə əsasən, yemək zamanı içilən hər əlavə 100 ml su orta hesabla təxminən 39 qram artıq qida və ya 49 kilokalori əlavə enerji qəbulu ilə əlaqələndirilib.
Mütəxəssislərin fikrincə, su qidanın çeynənməsini və udulmasını asanlaşdırır, ağız boşluğundakı quruluğu azaldır və bunun sayəsində yeməyin dadı daha uzun müddət xoş qalır.
Araşdırmada qeyd olunur ki, hər qurtum su dad hissini müəyyən qədər "yeniləyə" bilər. Bu isə qidanın insana tez bezdirici görünməsinin qarşısını alaraq yeməyə davam etməyə stimul yarada bilər.
Bununla belə, alimlər vurğulayırlar ki, tədqiqat yalnız əlaqəni göstərir, səbəb-nəticə münasibətini sübut etmir. İstisna deyil ki, insanlar əvvəlcə daha çox yemək yeyib, sonra isə daha çox susuzluq hiss edərək əlavə su qəbul ediblər.
Bizim.Media
