Mir Mövsüm ağanın qardaşı nəvəsi “Azərişıq”dan niyə narazıdır? - Video

Bakı sakini, Şeyx Mir Mövsüm ağanın qardaşı nəvəsi Səidə Akimovanın redaksiyamıza ünvanladığı rəsmi müraciət əsasında Xaçmaz rayonunun Susayqışlaq kəndinə yollandıq.

Şikayətçi bu kənddə yaşayan bacısı Zemfira Paşayevanın evinin yaxınlığında yerləşən köhnə transformatorun yenilənməməsindən, yaşayış məntəqəsinə elektrik enerjisinin fasilələrlə və keyfiyyətsiz verilməsindən narazıdır.

Onun sözlərinə görə, elektrik enerjisinin qeyri-sabit verilməsi səbəbindən evlərindəki kombi, televizor, paltaryuyan maşın və digər elektrik cihazları dəfələrlə sıradan çıxıb.
 

Çəkiliş qrupumuz həmin ünvanda olarkən ərazidə həm köhnə, həm də yeni transformatorun olduğunu müşahidə etdi. Kolluq və sıx söyüd ağacları ilə əhatə olunmuş, bir növ bataqlığı xatırladan ərazidən su arxının da keçdiyinin şahidi olduq.

Ətraflı videosüjetdə:

Aytəkin Alxaslı, Ələkbər Babayev, Bizim.Media, Şimal bürosu