Oğuzda irigövdəli ağacın aşması nəticəsində magistral yolda hərəkət müvəqqəti məhdudlaşıb.
Bizim.Media-nın yerli bürosu xəbər verir ki, hadisə səhər saatlarında Qaraməryəm-İsmayıllı-Şəki magistral yolunun rayonun Sincan kəndi ərazisindən keçən hissəsində baş verib.
Güclü külək və yağış nəticəsində irigövdəli ağac magistral yola aşıb. Hadisə səbəbindən yolda nəqliyyat vasitələrinin hərəkəti tamamilə dayanıb.
Aidiyyəti qurumların əməkdaşları dərhal əraziyə cəlb olunub. Ağac doğranaraq qalıqları yoldan təmizləndikdən sonra nəqliyyatın hərəkəti yenidən bərpa edilib.
Tural Rasimoğlu, Bizim.Media, Şimal-Qərb bürosu
