Növbə tatu ustalarına ÇATDI – Onlardan da lisenziya tələb ediləcək? – VİDEO

Azərbaycanda hər kəs istənilən yerdə tibbi kosmetoloji fəaliyyətlə məşğul ola bilməyəcək.

Bizim.Media Xəzər TV-yə istinadən xəbər verir ki, dolğu, botoks, lazer, iynə ilə dəriyə hər hansı müdaxilə və s. kosmetoloji xidmətlər ancaq tibb məntəqələrində mümkündür.

Bəs lisenziya və tibb təhsili tələbi tatu mərkəzlərinə də aid edilirmi?

Sahibkar Nicat Paşayev bildirib ki, bugünə qədər elə bir icazəyə ehtiyac olunmayıb, bundan sonra tələb qoyularsa, müraciət edəcəyik:
 

“Lazer epilyası və tatu cihazları tibbi cihaz sayılmır. Bunlar ölkəyə elektronika cihazları kimi keçid edir”.

Məsəslə ilə bağlı Səhiyyə Nazirliyi Analitik Ekspertiza Mərkəzindən bildirilib ki, Azərbaycanda salonlarda göstərilən tatuaj və makiyaj xidmətləri kosmetik xidmətlər hesab olunduğu üçün lisenziyalaşdırılan xidmətlərə aid deyil.

Daha ətraflı videomaterialı təqdim edirik:



Bizim.Media