İclası giriş sözü ilə açan komitə sədri Elşad Həmidov cari məsələlərlə yanaşı, komitə daxilində struktur və kadr islahatlarının aparıldığını bildirib.
Həmidov qeyd edib ki, struktur islahatları çərçivəsində yeni departamçentlər yaradılıb. Yaradılan departametlərə gəlincə, bunlar hüquq departamenti, kadrlarla iş departamenti, təhlükəsizlik işləri üzrə departament və ictimaiyyətlə əlaqələr departamentidir. Komitə sədrinin əmri ilə hüquq departamentinin rəisi vəzifəsinə Azad Atayev, kadrlarla iş departamentinin rəisi vəzifəsinə Ənvər Rzayev, təhlükəsizlik işləri üzrə departamentinin rəisi vəzifəsinə Oqtay Salamov təyin ediliblər.
Digər məsələlərdən söz açan komitə sədri deyib ki, komitənin əməkdaşlarına 5 yanvar 2017-ci il tarixdə yalnız öz imzası ilə verilən vəsiqələr etibarlıdır, digər vəsiqələr isə etibarsızıdır.
İclasda komitə sədri tapşırıq və tövsiyyələrini verib. komitənin digər əməkdaşları da çıxış edərək görülən işlər barədə məlumat veriblər.
