Xəbər verdiyimiz kimi, mədəniyyət naziri Adil Kərimlinin müvafiq əmri ilə Əminə Zakir qızı Məlikova Azərbaycan Milli Xalça Muzeyinin direktoru təyin olunub.
Bizim.Media Əminə Məlikovanın dosyesini təqdim edir:
MÖVZU İLƏ BAĞLI:
Əminə Məlikova Xalça Muzeyinə direktor təyin olundu
Əminə Məlikova 23 noyabr 1977-ci ildə Bakıda anadan olub.
İxtisasca iqtisadçı və sənətşünasdır. O, 2000-ci ildə Jurnalistika ixtisası üzrə bakalavr, 2007-ci ildə Azərbaycan Dövlət İqtisad Universitetində magistratura təhsilini başa vurub. 2016-cı ildə Azərbaycan Dövlət Rəssamlıq Akademiyasında "Neft mövzusu dünya müasir incəsənətində" mövzusunda sənətşünaslıq üzrə dissertasiya müdafiə edib.
Əminə Məlikova 2009-2018-ci illərdə Azərbaycan Milli İncəsənət Muzeyinin beynəlxalq əlaqələr şöbəsinin müdiri vəzifələrini icra edib. 2018-ci ilin dekabrından "İçərişəhər" Muzey Mərkəzinin direktoru vəzifəsində çalışıb.
2023-cü ildən etibarən Heydər Əliyev Mərkəzi Tədbirlərin və Sərgilərin Təşkili Departamentinin direktoru vəzifəsini icra edib.
"Azərbaycan Kəlağayı" və "Butalı" milli brendlərinin təsisçisidir.
2011-ci ildən Azərbaycan Rəssamlar İttifaqının üzvüdür. 2016-2019-cu illərdə ICOM Azərbaycan Milli Komitəsinin katibi olub, 2019-cu ildən isə ICOM Azərbaycan Milli Komitəsinin idarə heyətinin üzvüdür.
Əminə Məlikova sənətşünaslıq üzrə fəlsəfə doktorudur. O, 2017-ci ildən Azərbaycan Respublikasının əməkdar mədəniyyət işçisidir.
Bizim.Media
