Kiyevin ən iri ticarət mərkəzlərindən biri olan Troyeşina bazarı yaxınlığında partlayış səsləri eşidilib. İlkin məlumatlara görə, əraziyə pilotsuz uçuş aparatı (PUA) düşüb.
Bizim.Media xəbər verir ki, paytaxtın ən sıx məskunlaşan və kommersiya baxımından mühüm nöqtələrindən sayılan bu əraziyə edilən hücum yerli sakinlər arasında narahatlıq yaradıb.
Hadisə yerinə dərhal xilasedicilər və təcili tibbi yardım briqadaları cəlb olunub. Dağıntıların miqyası və hər hansı insan itkisinin olub-olmaması barədə rəsmi məlumat hələlik dəqiqləşdirilir.
Xatırladaq ki, bu, son günlər Kiyev infrastrukturuna və mülki obyektlərə qarşı artan hücumlar fonunda baş verir. Əhaliyə təhlükəsizlik qaydalarına riayət etmələri və hava həyəcanı siqnalı zamanı sığınacaqlara keçmələri barədə təcili xəbərdarlıq edilib.
Bizim.Media
