İran ABŞ-ın təklifinə bu gün cavab verəcək?

İran İslam Respublikasının ABŞ-ın münaqişənin sülh yolu ilə nizamlanmasına dair təklifinə bu gün cavab verəcəyi gözlənilir.

Bizim.Media xəbər verir ki, bu barədə CNN regiondakı mənbəyə istinadən məlumat yayıb.

Bundan əvvəl İran Xarici İşlər Nazirliyinin nümayəndəsi İsmayıl Bəqayi bildirmişdi ki, Tehranın ABŞ təklifinə cavabı vasitəçi qismində çıxış edən Pakistan tərəfinə təqdim olunacaq.

Qeyd edək ki, daha əvvəl Axios Vaşinqton və Tehranın silahlı münaqişənin başa çatdırılması ilə bağlı bir səhifəlik memorandumun imzalanmasına yaxın olduqlarını yazmışdı.

Məlumata görə, sənəd nüvə danışıqlarının bərpası və regionda gərginliyin azaldılması istiqamətində ilkin çərçivə kimi nəzərdən keçirilir.

Hələlik yekun razılaşmanın əldə olunmadığı bildirilir.

Bizim.Media